नमो नमो दुर्गे सुख करनी। नमो नमो अम्बे दुःख हरनी॥
Namo namo Durge sukh karni. Namo namo Ambe dukh harni.
निराकार है ज्योति तुम्हारी। तिहुँ लोक फैली उजियारी॥
Nirakaar hai jyoti tumhari. Tihun lok phaili ujiyari.
शशि ललाट मुख महा विशाला। नेत्र लाल भृकुटि विकराला॥
Shashi lalat mukh maha vishala. Netra laal bhrikuti vikarala.
रूप मातु को अधिक सुहावे। दरश करत जन अति सुख पावे॥
Roop Matu ko adhik suhavae. Darash karat jan ati sukh pavae.
तुम संसार शक्ति लै कीना। पालन हेतु अन्न धन दीना॥
Tum sansar shakti lai keena. Palan hetu ann dhan deena.
अन्नपूर्णा हुई जग पाला। तुम ही आदि सुन्दरी बाला॥
Annapurna hui jag pala. Tum hi aadi sundari bala.
प्रलयकाल सब नाशन हारी। तुम गौरी शिवशंकर प्यारी॥
Pralaykaal sab naashan haari. Tum Gauri Shiv Shankar pyari.
शिव योगी तुम्हरे गुण गावैं। ब्रह्मा विष्णु तुम्हें नित ध्यावैं॥
Shiv yogi tumhare gun gaavain. Brahma Vishnu tumhen nit dhyavain.
रूप सरस्वती को तुम धारा। दे सुबुद्धि ऋषि मुनिन उबारा॥
Roop Saraswati ko tum dhara. De subuddhi rishi munin ubara.
धरयो रूप नरसिंह को अम्बा। प्रगट भई फाड़ कर खम्बा॥
Dharyo roop Narsingh ko Amba. Pragat bhayi phaad kar khamba.
रक्षा करि प्रह्लाद बचायो। हिरण्यकशिपु को स्वर्ग पठायो॥
Raksha kari Prahlad bachayo. Hiranyakashipu ko swarg pathayo.
लक्ष्मी रूप धरो जग माहीं। श्री नारायण अंग समाहीं॥
Lakshmi roop dharo jag maahin. Shri Narayan ang samahin.
क्षीरसिंधु में करत विलासा। दया सिंधु दीजै मन आसा॥
Ksheersindhu mein karat vilasa. Daya sindhu deejai man aasa.
हिंगलाज में तुम्हीं भवानी। महिमा अमित न जात बखानी॥
Hinglaj mein tumhin Bhavani. Mahima amit na jaat bakhani.
मातंगी अरु धूमावती माता। भुवनेश्वरी बगला सुखदाता॥
Matangi aru Dhoomavati mata. Bhuvaneshwari Bagla sukhdata.
श्री भैरवी तारा जग तारिणी। छिन्नमस्ता भव दुःख निवारिणी॥
Shri Bhairavi Tara jag tarini. Chhinnamasta bhav dukh nivarini.
केहरि वाहन सोह भवानी। लांगुर वीर चलत अगवानी॥
Kehari vahan soh Bhavani. Langur veer chalat agvani.
कर में खप्पर खड्ग विराजै। जाको देख काल डर भाजै॥
Kar mein khappar khadag virajai. Jako dekh kaal dar bhajai.
सोहे अस्त्र और त्रिशूला। जाते उठत शत्रु हिय शूला॥
Sohe astra aur trishula. Jaate uthat shatru hiy shoola.
नगरकोट में तुम्हीं विराजत। तिहुँ लोक में डंका बाजत॥
Nagarkot mein tumhin virajat. Tihun lok mein danka baajat.
शुम्भ निशुम्भ दानव तुम मारे। रक्तबीज संहार कर डारे॥
Shumbh Nishumbh danav tum maare. Raktbeej sanhaar kar daare.
महिषासुर नृप अति अभिमानी। जेहि अघ भार मही अकुलानी॥
Mahishasur nrip ati abhimani. Jehi agh bhaar mahi akulani.
रूप कराल कालिका धारा। सेन सहित तुम तिहि संहारा॥
Roop karaal Kalika dhara. Sen sahit tum tihi sanhara.
परी गाढ़ संतनों पर जब जब। भई सहाय मातु तुम तब तब॥
Pari gaadh santanon par jab jab. Bhayi sahay Matu tum tab tab.
अमरपुरी अरु बसव लोकाँ। तब महिमा सब रहैं अशोका॥
Amarpuri aru Basav lokaan. Tab mahima sab rahain ashoka.
ज्वाला में है ज्योति तुम्हारी। तुम्हिं सदा पूजें नर नारी॥
Jwala mein hai jyoti tumhari. Tumhin sada poojen nar nari.
प्रेम भक्ति से जो यश गावै। दुःख दारिद्र निकट न आवै॥
Prem bhakti se jo yash gaavai. Dukh daridra nikat na aavai.
ध्यावे तुम्हें जो नर मन लाई। जन्म मरण ताकौ छुटि जाई॥
Dhyave tumhen jo nar man lai. Janam maran tako chhuti jai.
जोगी सुर मुनि कहत पुकारा। योग न हो बिन शक्ति तुम्हारा॥
Jogi sur muni kahat pukara. Yog na ho bin shakti tumhara.
शंकर आचारज तप कीनो। काम अरु क्रोध जीति सब लीनो॥
Shankar aacharya tap keeno. Kaam aru krodh jeet sab leeno.
निशिदिन ध्यान धरो शंकर को। काहु काल नहीं सुमिरो तुमको॥
Nishidin dhyan dharo Shankar ko. Kahu kaal nahin sumiro tumko.
शक्ति रूप का मरम न पायो। शक्ति गई तब मन पछितायो॥
Shakti roop ka maram na payo. Shakti gayi tab man pachitayo.
शरणागत हुई कीर्ति बखानी। जय जय जय जगदम्ब भवानी॥
Sharanagat hui kirti bakhani. Jai jai jai Jagdamba Bhavani.
भई प्रसन्न आदि जगदम्बा। दई शक्ति नहिं कीन विलम्बा॥
Bhayi prasann aadi Jagdamba. Dai shakti nahin keen vilamba.
मोको मातु कष्ट अति घेरो। तुम बिन कौन हरै दुख मेरो॥
Moko Matu kasht ati ghero. Tum bin kaun harai dukh mero.
आशा तृष्णा निपट सतावैं। मोह मदादिक सब बिनशावैं॥
Aasha trishna nipat satavain. Moh madaadik sab binashavain.
शत्रु नाश कीजै महारानी। सुमिरौं इकचित तुम्हें भवानी॥
Shatru naash keejai Maharani. Sumirau ekchit tumhen Bhavani.
करहु कृपा हे मातु दयाला। ऋद्धि सिद्धि दे करहु निहाला॥
Karahu kripa he Matu dayala. Riddhi siddhi de karahu nihala.
जब लगि जियूँ दया फल पाऊँ। तुम्हरो यश मैं सदा सुनाऊँ॥
Jab lagi jiyun daya phal paun. Tumharo yash main sada sunaun.
देवीदास शरण निज जानी। करहु कृपा जगदम्ब भवानी॥
Devidas sharan nij jani. Karahu kripa Jagdamba Bhavani.
शरणागत की रक्षा करो, जय जय जगदम्बे। भक्त जनों पर कृपा करो, जय जय अम्बे॥
Sharanagat ki raksha karo, jai jai Jagdambe. Bhakt janon par kripa karo, jai jai Ambe.